Česćeni přećeljo, dowolu sej Wam zdźělić, zo w dnjach 7. – 11. decembra w 11.30 hodź. budźe Čěski rozhłós – Radio Vltava – moje žiwjenske dopomnjenki wusyłać (program “Osudy”). W 1. dźělu porěču wo swojim dźěćatstwje a młodosći w Čěskej, w 2. dźělu wo swojich pućowanjach po Serbach (wosebje pak w 70tych a 80tych lětach) a wo tym, kak a hdźe sym so ze serbskej rěču zaběrał, w 3. a 4. dźělu budu powědać wo swojim skutkowanju na uniwersiće w Bukaresće a wo wšědnym žiwjenju w Rumunskej za čas prezidenta Ceauşescu a w 5. dźělu Wam powěm wšelake zajimawosće wo swojim dźěle přełožowarja z romaniskich rěčow a z hebrejšćiny a wo zetkanjach z někotrymi spisowaćelemi (w Israelu, ale tež druhdźe).
W 2. dźělu słyšiće na př. mjena dr. Błažij Nawka, Gustaw Janak, Pětr Malink, knj. farar Józef Nowak, knj. farar Just, Korla Wirth a Měranka Lešawic, Gerhard Wirth, Franc Šěn, Jurij Šěn, Frido Michałk, Helmut Faska, Leńka Urbanowa, Helmut Kurjo, Roža Šenkarjowa a druhe.
Bohužel, program bu na někak połojcu skrótšeny.
Program “Osudy” móžeće tež pozdźišo w awdijoarchiwje sćelaka Vltava słyšeć, a to na sćěhowacej webstronje:
1. dźěl: http://prehravac.rozhlas.cz/audio/3526134/embedded (Dźěćatstwo a młodosć w Čěskej)
2. dźěl: http://prehravac.rozhlas.cz/audio/3526135/embedded (Łužica w 70tych a 80tych lětach)
3. dźěl: http://prehravac.rozhlas.cz/audio/3526136/embedded (Rumunska)
4. dźěl: http://prehravac.rozhlas.cz/audio/3526137/embedded (Rumunska)
5. dźěl: http://prehravac.rozhlas.cz/audio/3526138/embedded (Přełožowar)
Jindřich Vacek - Miscellanea 